Lieber Toni !
Itz hosche dei leschte Reise ungitretn.
I bin mir sicho, dass dir itz ba do Maria und deina Eltern guit gät. Du hosch mit deindo ruhigen, freundlichn Ort do Familie van Ando und do Gertraud viel kolfn. I wünsch dir in schienschtn Regenbogen dens gib und gonz viel Liebe und Glück.
Maria und Maximilian Ladstätter

Lieber Toni,
unzählige Fahrten haben Dich in Deinem LKW quer durch Europa geführt. Nun hast Du Deine letzte Fahrt angetreten. Wir werden Dich mit Deinem Lächeln, mit Deiner ruhigen und freundlichen Art in guter Erinnerung behalten. Gute Reise
Helga Ladstätter mit Raimund, Claudia und Stefan

Toni, gearn erinnern mir Scheiterhuaber Kinder ins an die Vorfreude jeds Wochnende, dass du hoamkimmsch vom LKW fohren. Net selten hosch du von die Tankstellen a Werbegschenkl mitgebrocht, und die donn a geärgert, wenn mir die Shrek-Glaslan do Reihe noch hingemocht hoben. Ober sicherheitsholber hosch du olbm apoor af Reserve kop. Die Sunntige hosch du ins donn olbm mit Brixen zun Kirchen genummen und ban Heis hobmo jeds mol a kloane Schokolade odo a Eis gekriag. Is greaßte Hightlight wor donn obo ban hoamfohrn, wenn du is letzte Stickl zick-zack gfohrn bisch. Mit so Kloanigkeiten hosch du in insrer Kindheit a Bedeitung kop, an de mir ins für olbm gearn zruckerinnern werdn. Und wenn die Sophia donn af die Welt kemmen isch, hotse soo viel Freide in dein Lebm gebrocht. Dein stolzes Lochen, wenn sie is erste mol geklotscht hot, konnimi no gonz genau erinnern. Wenn Freinde vom Auslond zu Besuch worn, hosch du olbm a Kaminwurze und an guatn Kas aufgschnitten und genau dozehlt, wie die Stroßen zu ihnen volafn und wie oft zu se mitn Loster schun gfohrn bisch. In Feld ban Heu intian seinmo ins obo nia einig gewesn. Sem worsch du olbm überzeig, dass mir apoor Grosholme zu viel hinten gelossen hoben und es hot in oan odo ondern Streit geben. Insre Motivation wor sem net so groaß wie deine - sel war a nia meglich gewesn. Für die gonze Hilfe dohoam seinmo dir obo fest donkbor. Sobold du kronk gewordn bisch, hosch sel mit viel Tapferkeit ertrogen. Neben vielen Sorgen hosch dir die kloanen Freuden obo net nemmen gelossen. Is Autorennen schaugen und Carbonara in St.Ondos ba do Kathy und Joachim keart sem sicho dozua.

Pfiati Toni und mochs guat!
So wie du in letzter Zeit oft gsogt hosch: des weard schun gian.