Pfiati Sepp,
du bisch ins iatz, af die ondere Seite, vorausgongen. Viel zu friah und viel zu schnell! Es isch net zu glabn, dass du nimmer unter ins bisch! Du, der so viel Energie und no meahr Kompfgeist ghob hosch und decht wor die Kronkheit iatz stärker als wia du. Mir hobn di olle bewundert, wia du mit der Diagnose umgongen bisch und wia vorbildhoft du dein Schicksol ungenummen hosch!
Danke, dass du, do unter ins worsch und sei sicher, oft weardn mir an di denkn, von dir derzähln und dabei dein Lochn vor ins segn.
Sepp, mir wünschn dir a guate Reise, schaug guat af ins olle oar und irgendwann, segn mir ins wieder!

Liebe Angelika, liaber René und liaber Philipp, enk wünschn mir gonz viel Kroft und viel liebevolle Begleitung in der schwarn Zeit!

Werner und Mathilde

Liaber Sepp,
mit groaßer Betroffenheit hon i heint gheart, dass du von ins gongen bisch. Viele Johr hobn mir mitnonder Fuaßboll gschpielt und wenn mir a bissl älter gewordn sein, nor sein mir zan Kegelverein dazu gongen. Es follt mir schwar zu begreifen, dass mir iaz nimmer mitanonder trainiern und zu die Spiele fohrn wearn. Du worsch ollm a guater Freund und a vorbildlicher, fairer Sportskamerad. Die vielen schianen, gemeinsamen Erlebnisse und die unzähligen Diskussionen über Sieg und Niederlogen werden unvergessen bleibn. A wenn die Kugeln iaz ohne di rollen, weard dein Plotz in inserer Runde und insern Herzen ollm bestian bleibn. I bin donkbor für die Zeit, dei i mit dir verbringen gederft hon und wear mi no oft mit an Lächeln an di erinnern.

Liabe Angelika, liaber Rene und Philipp, in dei schwarn Stundn sein meine Gedonken bei enk. I wünsch enk von Herzn viel Kroft, Trost und Menschen an enkerer Seite, dei enk Holt gebn. Möge die Erinnerung von die vielen gemeinsamen Momente enk durch die Zeit der Trauer begleitn.

I wear in Sepp fescht vermissn und ihm stets ein ehrendes Andenken bewahren.

Hoi Sepp,
mit groaßer Trauer hon i heit von dein Tod erfohrn. Es follt mir schwar, die richtigen Worte zi findn.

20 Johr hobn mir gemeinsam gekegelt. In all de Johr worsch du für mi net lei a guater und zuverlässiger Sportsmonn, sondern vor ollem a, a guater Freind. Mir hobn zusommen viele Spiele gewungen und oftremol a verlorn. Du worsch a Vorbild fir ins olle, olm fair, sportlich und du hosch mit deiner ruhign und positiven Ort guat zi inserer Mannschaft gepasst. Du worsch olm a Kämpfer, hosch bis zuletzt drun geglab, dass du a de Kronkheit besiegen konsch. A wenn iats deine Kronkheit stärker wor, bleiben viele schiane Erinnerungen an insere gemeinsomen Johre. De Zeit wer i nia vergessn.
I, und net lei i, werdn die vermissn, ober mir werdn die stets in guater Erinnerung beholtn.
Machs guat, Sepp. I winsch dir a letzte guate Reise. Irgendwenn segn mir ins wieder.

Mein aufrichtiges Mitgefühl gilt deiner Familie und in olle, wos die im Herzn beholtn.