Lieber Martin, vor vier Johr hosch du von ins giahn gemiasst. Du hosch es Leben so sehr geliebt, ober die Kronkheit hot dir koane Chance geben. Wia gearn tat i dir noamol deine Lieblingsgerichte kochen und deine AC/DC und Iron Maiden Leibelen waschen und bügeln. Du fahlsch mir jeden oanzelnen Tog, ober i spür du bisch ollm bei mir und hilfsch mir, wenn i di brauch. Danke für olls, für die schianen und a für die schwierigen Momente. Du wearsch mir ollm fahln, i hon di lieb.
Doris

Drei Johre ohne di und die Sehnsucht bleibt. Ober mit jedem Tog wochst a die Donkborkeit für die Zeit, de mir mit dir kop hobn. Du bisch nimmer do, wo du worsch, ober du bisch überoll, wo mir sein.
I vermiss di

Lieber Martin, drei Johr sein vorbei, seit du nimmer bei uns bisch. Drei Johr, wo mir ollm von dir reden, über deine Sprüche lochn und uns an deine Eigenheiten erinnern. Drei Johr, in de mir mit Liebe und Wehmut an di denken. Du bisch und bleibsch ein Teil von uns, gonz gleich wieviel Toge und Johre vergiahn. Einmal segn mir uns wieder❤❤❤ Doris

Lieber Martin, iatz isch es zweite Johr ohne di a schun ummergongen. Nix isch meahr so wias amol wor. Du bisch nimmer do und nia wear i vergessen, wos du in meinem und inser oller Leben bewirkt hosch. Danke für olles und mochs guat, wo immer du iatz bisch. Bleibsch für immer in meinem ❤

..... Ich will nur dass du weißt,
diese Stadt ist einsam ohne dich,
weil sie ohne dich zu leise ist
und egal wo du gerade bist,
dass du niemals vergisst,
wir alle vermissen dich
(Johannes Oerding)
Immer in unseren Herzen
Helli und Lisa

Lieber Martin, ein Johr isch vergongen seit du nimmer bei uns bisch. Es gibt koan Tog, an dem mir net von dir reden, über deine Sprüche lochen oder deine Musik hearn. Vieles hot sich verändert und es isch net leicht gewesen di giahn zu lossen. Du worsch der Fixpunkt in unserem Leben und hosch uns gelernt Verantwortung zu übernehmen und füreinander do zu sein. Danke für alles, mir vergessen di nie.
Ruhe in Frieden

Unser aufrichtiges Beileid! Ruhe in Frieden!
Sanni und Babs

Hoi Martin.Kons net verstian das du nimmer bei ins bisch.Mein herzlichiches Beileid an deine Geschwister mit Familie.Servus Martin.

Lieber Martin du bisch a positiver Mensch giwedtn und hosch dein Leben mit viel Freude Humor und Zufriedenheit gemeistort di hobm gonz viel Leit gikennt und di hobmse olle gearn kop hobm. Nimm olle ba do Hond in Himmel und bleddl loch und sing mit ihnan wos du so gearn mit ins geton hosch.... Leb wohl und amol segmo ins wieder....🙏

Lieber Martin,
nia werdn mir di vergessn. Ins werd deine Fröhlichkeit, dein Lochen und deine Sprüche volles fahln. Deine Spontaneität und deine Lust am Leben wor einmalig und werd sich gonz Brixen olm erinnern. Unvergesslich wor inser Ausflug noch Tremosine, über den du no Johre später olm geredet und gelocht hosch. Mir hoffen, dass es dir do oben guat geaht und dass du zu ins mit deinem verschmitztem Lächeln oischaugsch. Iaz konnsch bis in die Morgenstunden und so viel du willsch Party mochn.
Gute Reise, Martin!

Hoi Schotz, iatz muas i woll decht a no a poor Worte los werden. Wer isch dor coolste? Du bisch dor coolste, sel wersch für mi a olbn bleiben. I konns kaum in Worte fossen, wos für a Leere du bei ins dahoam hinterlossen wersch. Koan Gejodle mehr in die Tür eini, koane Fotos mehr mit deine Hondbollgitschn und mit dor holben Stodt, de ins olbn mit viel Freide gezoag hosch. Koane Bitten um Hilfe mehr, weil ban Handy wieder eppas verstellt kop hosch, koane Kinobesuche und koane Filmnochmittoge mehr. Wos für mi oanmol eppas gonz Olltägliches wor, sein iatz unzählige, unbezahlbare Momente, de i für olbn in Erinnerung koltn wer. I vermiss di und sog Danke - schian hobmers kop!

Nie wieder in die Stadt gehen und in den vertrauten Gassen dem Martin begegnen...
Nie wieder ein kurzes oder längeres Gespräch mit dem Martin...
Nie wieder mit dem Martin über seine Träume, seine Wünsche und seine Sorgen reden...
Nie wieder über die Sache "flaxen", dass du 1 Jahr älter bist als ich, nur weil du im selben Jahr schon im Jänner deinen Geburtstag hattest...
das fühlt sich gerade ganz unwirklich an.
Mögest du in "deinem Himmel" von schönen Engelwesen umgeben sein, wo du immer noch Schönes zum Schauen hast.
Deine besondere Art bewahre ich in meiner Erinnerung.
Deinen Lieben wünsche ich einen heilsamen Abschied, die Verwandlung der traurigen Gefühle und Gedanken in eine große Dankbarkeit für viele unauslöschliche Erinnerungen und den Glauben, dich gut aufgehoben zu wissen...
See you later, Alligator! (So hast du dich eine Zeitlang verschmitzt von mir verabschiedet)